Coincidindo coa
celebración da festividade de Santa Luisa de Marillac, o martes 9 de maio, celebramos
o 400 aniversario do Carisma Vicenciano (1617-2017).
O día comezou
cunha Eucaristía dirixida aos alumnos de
1º e 2ºESO e o acto central da celebración foi o paso do facho, que simboliza o
Carisma Vicenciano, desde as Fillas da Caridade, ata os máis pequenos do
colexio.
Xuntos, formamos
unha cadea humana, da que formaron parte as Irmás, invitadas da Asociación da
Medalla Milagrosa, persoal do centro, profes e alumnos.
O paso do facho
simboliza o compromiso de cada un de nós a ser máis sensibles con todo o que
acontece ao noso arredor, a transmitir a ilusión dun mundo máis xusto de San
Vicente e Santa Luisa e a loitar con forza e fe ante os novos retos.
A festa continuou
pola tarde con obradoiros no patio para os alumnos de Infantil e Primaria. O
alumnado de ESO participou nun pequeno torneo de fútbol no que o equipo
“Rosalía Rendu” quedou gañador fronte aos equipos de San Vicente, Santa Luisa e
Federico Ozanam.
Como agasallo de
fin de festa, todos os alumnos recibiron unha mochila conmemorativa.